اسلام آباد(نیوزڈیسک) بالی ووڈ کے بادشاہ المعروف کنگ خان (شاہ رخ خان ) آئی ایس آئی کے سابق سربراہ سربراہ لیفٹیننٹ جنرل(ر)ظہیر الاسلام کے بھانجے ہیں ۔ ایک بھارتی اخبار ٹائمزآف انڈیا نے اپنی ایک رپورٹ میں معروف دفاعی تجزیہ کار اکرام سہگل کے حوالے سے انکشاف کیاہے کہ آئی ایس آئی کے سابق سربراہ لیفٹیننٹ جنرل (ر) ظہیر الاسلام جنگ عظیم دوم کے ہیروشاہ نواز خان کے بھانجے ہیں جن کے والد پاک فوج میںبرگیڈئرکے عہدے سے ریٹائر ہوئے۔ سبھاش چندر بھوس کی قیادت میں بھارتی فوج کے میجر جنرل شاہ نواز خان ظہیر الاسلام کے ماموں تھے جن کا ایک بیٹا قیام پاکستان کے وقت ان کے ساتھ بھارت چلا گیا جبکہ دوسرے بیٹے محمود نواز نے پاکستان میں ہی رہنے کا فیصلہ کیاجو بعد میں کرنل کے عہدے تک پہنچے۔سہگل نے کہاکہ محمود نواز پاک فوج سے ریٹائرمنٹ کے بعد ہی بھارت میں اپنے والد سے ملاقات کی۔دونوں باپ بیٹا ایک دوسرے کی دشمن فوج میں ہونے کے ناطے ریٹائر منٹ تک ملاقات نہیں کر سکے۔ بالی ووڈ سٹار کی سوانح عمری کے مطابق شاہ رخ خان کی مرحومہ والدہ لطیف فاطمہ شاہ نواز خان کی لے پالک بیٹی تھیں تاہم اس بات کی تحقیق نہیں ہوسکی کہ 1983ءمیں انتقال کرنے والے شاہنواز خان سے ان کے بھانجے لیفٹیننٹ جنرل (ر)ظہیر الاسلام کی کبھی ملاقات ہوئی تھی یا نہیں تاہم اس لحاظ سے شاہ رخ خان جنرل ظہیر الاسلام کے بھانجے ہیں۔جبکہ پاک فو ج کے شعبہ تعلقات عامہ نے اس وقت ان اطلاعات کی تردیدکی جب ظہیرالسلام آئی ایس آئی کے نئے سربراہ کی حیثیت سے ذمہ داریاں سنبھالی تھیں ۔آئی ایس پی آرکے 12مارچ 2012 کے اعلامیے میں کہاگیاکہ ان خبروں میں کوئی حقیقت نہیں کہ شاہ رخ خان کاظہیرالسلام سے کوئی تعلق ہے اورٹائمز آف انڈیاکی رپورٹ کومستردکردیاتھا۔اس وقت کے ڈی جی آئی ایس پی میجرجنرل اطہرعباس نے ان اطلاعات کی تردید کی تھی کہ شاہ رخ خان ظہیرالسلام کے بھانجے ہیں۔انہوں نے کہاکہ ان خبروں میں کوئی صداقت نہیں ۔