اسلام آباد(نیوز ڈیسک)وزیر اعلیٰ پنجاب محمد شہباز شریف کا کہنا ہے کہ دریاو¿ں کے قریبی علاقوں میں رہنے والے افراد کو پیشگی وارننگ دینے کیلئے ایس ایم ایس سروس کا آغاز کر دیا گیا ہے۔کابینہ کمیٹی برائے فلڈ اور سیلاب کے خطرے سے دو چاراضلاع کی انتظامیہ کو ہدایات دیتے ہوئے وزیر اعلیٰ کا کہنا تھا کہ دریاو¿ں میں پانی کے بہاو¿ کو بھی لمحہ بہ لمحہ مانیٹر کیا جائے اور دریاو¿ں کے اردگرد آباد لوگوں کے انخلا کو ہر قیمت پر یقینی بنایا جائے۔انہوں نے ہدایت کی کہ سیلاب کے کسی بھی خدشے کے پیش نظر ہر ممکن حفاظتی اقدام اٹھایا جائے ، شہباز شریف نے کہا کہ کابینہ کمیٹی برائے فلڈ اور متعلقہ اضلاع کی انتظامیہ حفاظتی انتظامات اور امدادی سرگرمیوں کے حوالے سے کوئی کسر اٹھا نہ رکھیں اور ان تمام اقدامات کی نگرانی وہ خود کریں گے۔