کراچی(نیوز ڈیسک)رینجرز نے شہر کے مختلف علاقوں میں کارروائی کرتے ہوئے کالعدم تنظیموں سے تعلق رکھنے والے 8 ملزمان کو گرفتار کرلیا۔ترجمان رینجرز کے مطابق کراچی کے مختلف علاقوں 100 کوارٹرز، خیبرچوک، بلدیہ ٹاؤن اور قصبہ کالونی میں کارروائی کی گئی اس دوران 8 ملزمان کو حراست میں لیا گیا جب کہ تمام گرفتار ملزمان کا تعلق کالعد م تنظیموں سے ہے اور ان کے قبضے سے اسلحہ بھی برآمد ہوا ہے۔دوسری جانب رینجرز ذرائع کے مطابق رینجرز نے شکارپور کچے کے علاقے چاکن میں بھی رینجرز نے کارروائی کی اس دوران دہشت گردوں کی جانب سے فائرنگ کی گئی تاہم رینجرز کی جوابی کارروائی میں دہشت گرد ہلاک ہوگیا۔