اسلام آباد (نیوزڈیسک) سپریم کورٹ میں این جی اوزبارے مقدمے کی سماعت اورہدایات کی روشنی میں وفاقی حکومت نے ملکی اورغیر ملکی این جی اوزکی رجسٹریشن کے لیے نئے الیکٹرونک فارم جاری کرنے کافیصلہ کیاہے اس حوالے سے وزیراعظم کی جانب سے قائم کردہ اعلیٰ سطح کی کمیٹی نے غیر ملکی این جی اوز کی رجسٹریشن کیلئے نئے الیکٹرونک فارم اور نئے میمورنڈم آف انڈر سٹینڈنگ کی منظوری دیدی ہے۔وزیراعظم نے فیصلہ کیا ہے کہ این جی اوزکی اس نئے الیکٹرانک فارم کے تحت رجسٹریشن کیلئے وزارت داخلہ 15 اگست کواشتہار جاری کریگی یہ منظوری وزیراعظم کے معاون خصوصی طارق فاطمی کی زیر صدارت ہونیوالے خصوصی کمیٹی کے حالیہ اجلاس میں کیا گیا۔ذرائع نے بتایا کہ مذکورہ کمیٹی کا ایک اور اجلاس جلد بلایا جائیگا جس میں آئی این جی اوز کی رجسٹریشن کے الیکٹرانک سسٹم کے آپریشنل ہونے کے بارے میں بریفنگ دی جائیگی