اسلام آباد(نیوز ڈیسک)منی سمگلنگ کیس میں گرفتار ماڈل ایان علی کی مشکلات ختم ہونے کا نام ہی نہیں لے رہیں۔ ضمانت کے باوجود آج بھی رہائی نہ مل سکی مزید ایک رات جیل میں گزرانا پڑے گی۔ تفصیلات کے مطابق خدا خدا کر کے لاہور ہائی کورٹ نے ایان علی کی ضمانت پر رہائی کے احکامات جاری کیے لیکن دوسرے دن بھی عدالت کا فیصلہ راولپنڈی کی کسٹم عدالت کو موصول ہوا نہ ہی ایان علی کے وکلا کو مل سکا۔ فیصلے نہ ملنے کے باعث اڈیالہ جیل کی انتظامیہ کو بھی روبکار نہ بھیجی جا سکی۔ ایان علی کے وکلاءصبح 10 بجے عدالت آئے اور عدالت کو بتایا کہ 12 بجے وہ لاہور ہائی کورٹ کے فیصلے کے ساتھ آئیں گے
مزیدپڑھیے:پانچ سال کے دوران حج کرنے والوں کواس سال روک دیاگیا
اور 5، 5 لاکھ کے حفاظتی مچلکے بھی جمع کرائیں گے لیکن ایان کے وکلاء کے دوبارہ پیش نہ ہونے پر کسٹم عدالت کے جج رانا آفتاب ساڑھے 12 بجے تک اٹھ کر چلے گئے اور اب ماڈل گرل ایک رات اور اڈیالہ جیل میں گزاریں گی۔