اسلام آباد(سپیشل رپورٹ)متنازعہ پروگرام کے باعث ملک چھوڑنے والی مارننگ شوز کی جان شائشہ لودھی کی دھماکے دار انٹری،نجی ٹی وی چینل پر واپسی نے دھوم مچا دی۔تفصیلات کے مطابق 2013میںجیو کے مارننگ شو اٹھو جاگو پاکستان میں وینا ملک اور ان کے شوہر کو مہمان کے طور پر بلایا گیا تھا جس کے دوران ایک قوالی میں اسلامی شعائر کا مذاق اڑا گیا ۔جس کے بعد شائستہ لودھی پر بہت تنقید کی گئی ۔فتوے بھی جاری ہوئے ۔ان پر اتنا دباﺅ پڑا کہ وہ ملک چھوڑ کر چلی گئیں ۔اس پروگرام کے پیچھے کیا راز تھا وہ سب بتانے شائستہ لودھی کی رمضان کے مبارک مہینے میں پاکستان دوبارہ واپسی ہوئی ہے ۔ اسی عرصے کے دوران ان کی دوسری شادی کی افواہیں بھی گردش کرتی رہیں جوان کے آنے کے بعد دم توڑ گئیں اور انہوں نے خود یہ اعلان کر دیا کہ وہ اب شادی شدہ ہیں۔ان کا پہلا انٹرویو بہت جلد آن ائیر ہونے جارہا ہے۔پروگرام کے پرومو کے دوران انہوں نے روتے ہوئے یہ انکشاف کیا کہہ انہیں سوچے سمجھے منصوبے کے تحت پھنسایا گیا ۔دو ٹی وی چینلز کی جنگ میں وہ کہیں کی نہیں رہیں۔میرے بارے میں غلط خبریں چلائی گئیں۔میں نے کچھ نہیں کیا ۔جتنا ذہنی ٹارچر مجھے،میرے بچوں اور گھر والوں کو کیا اللہ کسی کو وہ دن نہ دکھائے ۔پاکستان سے فرار ہونے سے بہتر ہے کہ میں مر جاﺅں ۔ متنازعہ پروگرام کے حوالے سے ان کا انٹرویو بہت جلد ہی بول ٹی وی پر آن ائیر ہوگا۔