کراچی(نیوزڈیسک)کراچی (نیوزڈیسک) پاکستان امیگریشن کاانوکھاکارنامہ جودنیا کے کسی بھی ائرپورٹ پرممکن نہیں ۔امیگریشن حکام نے کراچی کے ایڈمنسٹریٹر کوبغیرامیگریشن اروائیل لاﺅنج سے نکال دیاجبکہ دنیا بھرکے ائرپورٹ سے جانے والے افراد کوامیگریشن حکام ڈیپارچرلاﺅنج سے باہرجانے کی اجازت دیتے ہیں سابق ایڈمنسٹریٹر کراچی ثاقب سومرو کا امیگریشن کے بغیر ملک سے باہر جانے کا انکشاف ہوا ہے۔ذرائع کے سابق ایڈمنسٹریٹر کراچی مطابق ثاقب سومرو 22جون2015کو نجی ائیر لائن کی پرواز سے جرمنی چلے گئے۔ذرائع کے مطابق ثاقب سومرو ائیر پورٹ انٹری پاس کے ذریعے لاؤنج میں پہنچےاور ایف آئی اے امیگریشن کاؤنٹر پر گئے بغیر ہی جہاز پر پہنچ گئے۔ذرائع کا کہنا ہے کہ ثاقب سومرو نے جہاز پر پہنچنے کے لیئے مسافروں کی آمد کا راستہ اختیار کیا۔ذرائع کا کہنا ہے کہ ثاقب سومرو نے ممکنہ طور پر ای سی ایل یا چیک لسٹ میں نام کے خدشے کے پیش نظر ایسا کیا ۔ثاقب سومرو ماضی میں ائیر پورٹ پر تعیناتی کی وجہ سے سسٹم کو جانتے تھے۔ایف آئی اے نے واقعہ کی تحقیقات شروع کر دی ہے۔اس سلسلے میں ایڈیشنل ڈائریکٹر ایمگریشن عاصم قائمخانی سے متعدد بار موبائل فون پر رابطے کی کوشش کی لیکن انھوں نے فون ریسیو نہیں کیا اور بعد ازاں فون بند کردیا