اسلام آباد (نیوزڈیسک)”میٹروبس “ہوا ایسا نیاکام کہ لوگوں کہ دل جیت لئے- جڑواں شہر راولپنڈی اسلام آباد کے باسیوں کو اعلیٰ معیار کی تیزترین سفری سہولیات کی فراہمی کیلئے میٹروبس کے اجراءکے تناظر میں ایک ویڈیو گیم بنائی گئی ہے جسکا مقصد شہریوں میں پبلک پراپرٹی کے حوالے سے احساسِ ذمہ داری کا شعور اجاگر کرنا ہے، ایکسٹریم میٹرو کے نام سے بنائی جانے والی اینڈرائڈگیم کے خالق ادارے کیوئک ہائی ٹیک اینڈ سولوشنزکا کہنا ہے کہ جب بھی ہمارے ملک میںکوئی ناخوشگوار واقعہ رونما ہوتا ہے تو بدقسمتی سے سب سے پہلے عوام کا ردعمل پبلک پراپرٹی کو نقصان پہنچانا ہوتا ہے، ایک خوشحال اور مضبوط پاکستان کو عملی جامہ پہنانے کیلئے میٹروبس جیسے مفادعامہ کے عوامی تنصیبات کی حفاظت کی ذمہ داری پورے معاشرے پر عائد ہوتی ہے۔ اسلام آباد کے حسین مناظر کی عکاسی کرنے والی اپنی نوعیت کی منفرد ویڈیوگیم میں بھولا استاد نامی شرارتی کردار کو میٹروبس اورمختلف اسٹیشن مقامات پر توڑپھوڑکرتے دکھایا گیا ہے جبکہ پولیس حوالدار شرپسند عناصر کو قانون کی گرفت میں لانے کیلئے بھاگ دوڑ کرتا ہے، گوگل پلے اسٹور پر مفت دستیاب گیم4.7کی شاندار رینکنگ کے ساتھ روزبروز مقبولیت حاصل کرتی جارہی ہے۔