کراچی(نیوزڈیسک) تحریک انصاف کی رہنما عارف علوی کی جانب سے کی جانے والی پریس کانفرنس میں انکا کہنا تھا کہ سندھ میں کرپشن کا برا حال ہے نوکریاں بیچی جاتی ہیں ۔ کوٹہ سسٹم پر واویلہ کرنے والی ایم کیو ایم اس بات کا جواب دے کہ کیا کراچی واٹر اینڈ سیوریج بورڈ میں کسی کو میرٹ پر نوکری ملی ؟۔ انکا کہنا تھا کہ رینجرز نے کرپشن میں ملوث جو 24 نام وزیر اعلی سندھ کو دیئے انہں عوام کے سامنے کیوں نہیں لایا جا رہا۔ عمران اسماعیل کا کہنا تھا کہ کراچی میں ہیٹ اسٹروک سے اموات حکومت کی جانب سے درخت کاٹ کر بل بورڈز لگانے کا نتیجہ ہیں ۔ انہوں نے کہا کہ وفاق کا رویہ کراچی کا تمسخر اڑانے کے مترادف ہے ۔ پریس کانفرنس میں سابق تحصیل نائب ناظم عمر کوٹ ارباب سمیجو نے بتایا کہ سید علی مراد شاہ کی اربوں کی کرپشن سندھ ھکومت کے حکم امتناع کے باوجود کمیونٹی سینٹر عمر کوٹ میں گھروں کی تعمیرات اور وفاقی ادارہ نیب کو درخواست دینے کے جرم میں ان کو جانی اور مالی دھمکیاں دی جا رہی ہیں اور ان پر جھوٹی ایف آئی آرز بھی کٹوائی گئی ہیں۔ –