نارووال(نیوزڈیسک)وفاقی وزیرپلاننگ اینڈ ڈویلپمنٹ احسن اقبال نے کہا ہے کہ پاکستان چائنہ اکنامک کوریڈورملک کی تقدیر بدلنے والا منصوبہ ہے ،پاکستان کے دشمن اس منصوبے کے گرد تنازعہ کھڑا کرنا چاہتے ہیںجسے ناکام بنانا ہوگا۔ا ن خیالات کا اظہارانہوںنے نارووال میںمسیحی برادری میں چیک تقسیم کرنے کی تقریب کے بعدصحافیوںسے گفتگو کرتے ہوئے کیا۔احسن اقبال نے کہا کہ ان منصوبوں سے چاروں صوبے اور تمام پاکستان کے علاقے اس سے بھر پورفائدہ اٹھائیں گے۔پاکستان کے دشمنوں کی نیندیں ا±ڑی ہوئی ہیں کیونکہ پاکستان میںاگر 46ارب ڈالر کی سرمایہ کاری آئے گی تو پاکستان اور چائنہ تجارت کے بندھن میں جڑ جائیں گے تو اسے خطے میں پاکستان کو ایک کلیدی حیثیت حاصل ہو جائے گی۔انہوں نے کہا کہ پاکستان کے دشمن اس منصوبے کے گرد تنازعے کھڑا کرنا چاہتے ہیںاور وہ لوگو ں کو گمراہ کر رہے ہیںہرمحب وطن پاکستانیوں سے اپیل کرتا ہو ں کہ کسی قسم کے پراپیگنڈامیں کان نہ دھریںاور نہ ہی کسی قسم کی تبدیلی اس کے روٹ میں کی گئی ہے اور کسی صوبے کو خارج نہیںکیا گیا چاروں صوبوں کو فائدہ اکٹھا ملے گا۔لہٰذاہمیںمتحدہو کر ملک کے اندر امن اور سلامتی کے ساتھ اس موقع کا فائدہ اٹھانا چاہئے اگر ہم نے اکنامک کوریڈور کا صحیح فائدہ اٹھا لیا تو پچھلی چالیس اور پچاس سال کی محرومی کا ازالہ ہو گا اور پاکستان خطے میں آگے نکل جائے گا