کراچی (نیوز ڈیسک) پاکستان تحریک انصاف نے کراچی میں قومی اسمبلی کی نشست این اے246 میں ہونے والے ضمنی انتخاب کی انتخابی مہم کے لیے 19اپریل کوایم کیوایم کے مرکز90 کے قریب عزیزا باد کے جناح گراؤنڈ میں کراچی کی تاریخ کے سب سے بڑے جلسے کا اعلان کردیا۔پیرکو کراچی میں پی ٹی ا ئی کے مرکزانصاف ہاو س میں یومِ پاکستان کے موقع پریوتھ کنونشن کاانعقاد کیا گیا۔ اس سے خطاب کرتے ہوئے پی ٹی ا ئی کے رہنما اسد عمر نے کہاکہ ایم کیوایم ڈوبتی کشتی ہے، این اے246 کے ضمنی انتخابات کے بعدایم کیو ایم تاریخ کا حصہ بن جائے گی۔ انھوں نے کہاکہ ایم کیو ایم کا ماضی ہے لیکن مستقبل نہیں، ایم کیوایم کے ساتھ جولوگ ہیں ان سے کہتا ہوں پارٹی سے کنارہ کشی اختیار کرلیں۔ انھوں نے کہاکہ الطاف حسین سن لیں، پاکستان بناناغلطی نہیں بلکہ مسلمانوں کی سب سے بڑی فتح ہے۔ کراچی پاکستان کاصرف دل ہی نہیں، دماغ بھی ہے۔پی ٹی ا ئی کے رکنِ قومی اسمبلی عارف علوی نے کہا کہ این اے246 میں ایم کیوایم ماضی کی تاریخ بن جائے گی۔ اس حلقے پر شفاف انتخابات ہوئے توایم کیو ایم راہ فراراختیار کرے گی۔ اس موقع پرعلی زیدی نے عمران خان سے درخواست کی کہ ضمنی انتخابات سے پہلے 16سے 20 اپریل تک کراچی میں گزاریں۔ انھوں نے پی ٹی ا?ئی کراچی کے کارکنوں سے اپیل کی کہ ضمنی انتخابات کی تیاری کے لیے این اے246 کا رخ کریں اور 19اپریل کوہونے والے جلسے کوکامیاب بنائیں۔