راولپنڈی(نیوز ڈیسک)آرمی چیف نے قوم کو پیغام دیتے ہوئے کہاہے کہ ’آئیے دہشت گردکیخلاف جنگ میں ہمارے شانہ بشانہ چلئے ،دہشت گردی کیخلاف آپریشن بلا خوف جار ی رہنا چاہئے ،ہم نے ملک سے دہشتگردی کے خاتمے کا عزم کر رکھا ہے۔فوج کے ادارہ تعلقات عامہ کے مطابق آرمی چیف جنرل راحیل شریف نے نیشنل کاﺅنٹر ٹیررازم سینٹر پبی کادورہ کیا جہاں انہوں نے پاس آﺅٹ ہونے والے پہلے بیج کاجائزہ لیا جن میں ایف سی اور رینجرز سمیت 500اہلکا ر شامل ہیں ۔

تربیت پانے والے 500اہلکاروں میں صوبوں کی پولیس اور ایلٹ فورس کے 200اہلکا ر شامل ہیں جبکہ 100اہلکاروں کا تعلق پاک فضائیہ اور بحریہ سے ہے ۔اس موقع پر آرمی چیف جنرل راحیل شریف نے کہاکہ عوام دہشت گردی کیخلاف جنگ میں اپنی صفوں میں چھپے دہشت گردوں کی نشادہی کریںدہشتگردی کیخلاف آپریشن بلا خوف جاری رہنا چاہئے ۔ ان کا کہناتھاکہ انٹیلی جنس نظام اتنا مربوط ہونا چاہئے کہ کسی بھی نا خوشگوار واقعہ کی اطلاع پیشگی مل سکے ۔انہوں نے کہاکہ پاک فوج قانون نافذکرنے والے اداروں کی تربیت کیلئے بھر پور کوشش کر رہی ہے اورانسداد دہشتگردی کیلئے سیکیورٹی اداروں کی استعداد بھی بڑھا رہے ہیں ۔