اسلام آباد(این این آئی)پاکستان ایئرپورٹ اتھارٹی نے اپنے نوٹم میں کہا ہے کہ10 مئی تک اسلام آباد انٹرنیشنل ایئرپورٹ پر فلائٹ آپریشن متاثر ہونے کا امکان ہے۔

پی اے اے کے مطابق آپریشنل وجوہات کے باعث پروازوں کی آمد و روانگی میں تاخیر یا شیڈول میں تبدیلی پیش آ سکتی ہے۔ نوٹم میں اسلام آباد آنے والی پروازوں کو اضافی ہولڈنگ فیول ساتھ رکھنے کی ہدایت بھی جاری کی گئی ہے۔نوٹم کے مطابق 9 اور 10 مئی کو رات 8 بجے سے 9 بج کر 15 منٹ تک پروازوں کی آمد و روانگی متاثر ہو سکتی ہے۔پی اے اے نے مسافروں کو ہدایت کی ہے کہ وہ اپنی پروازوں کے شیڈول سے متعلق متعلقہ ایئرلائنز سے پیشگی معلومات حاصل کریں۔