اسلام آباد(نیوز ڈ یسک) ڈونلڈ ٹرمپ نے اپنے اتحادی ممالک کو سخت پیغام دیتے ہوئے کہا ہے کہ اب امریکا ہر موقع پر مدد کے لیے آگے نہیں آئے گا اور اتحادیوں کو اپنی حفاظت خود کرنا سیکھنا ہوگا۔سوشل میڈیا پر جاری بیان میں انہوں نے برطانیہ سمیت دیگر ممالک کو مخاطب کرتے ہوئے کہا کہ وہ ایندھن کے حصول کے لیے یا تو امریکا سے خریداری کریں یا خود آبنائے ہرمز جا کر انتظام کریں۔ٹرمپ کا کہنا تھا کہ مشکل وقت میں اتحادی ممالک نے امریکا کا ساتھ نہیں دیا، جس کی وجہ سے اب پالیسی میں تبدیلی ناگزیر ہو گئی ہے۔اس سے قبل ایک انٹرویو میں انہوں نے بتایا تھا کہ امریکا ایران کے ساتھ رابطے میں ہے، تاہم ان کے خیال میں ایران اس وقت کسی معاہدے کے لیے آمادہ نظر نہیں آتا۔انہوں نے مزید کہا کہ امریکا اس اہم سمندری گزرگاہ کے حوالے سے کئی ممالک سے بات چیت کر رہا ہے تاکہ اس کی سکیورٹی کو یقینی بنایا جا سکے، جبکہ اسرائیل بھی اس سلسلے میں تعاون کر رہا ہے۔نیٹو کے حوالے سے گفتگو کرتے ہوئے انہوں نے خبردار کیا کہ اگر رکن ممالک نے تعاون نہ کیا تو اس اتحاد کو مستقبل میں مشکلات کا سامنا کرنا پڑ سکتا ہے۔