کوئٹہ(این این آئی)سکیورٹی فورسز کے جعفر ایکسپریس پر حملے کے بعد دہشت گردوں کے خلاف کلیئرنس آپریشن کی ویڈیو سامنے آگئی۔نجی ٹی وی نے سکیورٹی ذرائع کے حوالے سے بتایاہے کہ سیکیورٹی فورسزکا دہشتگردوں کے خلاف آپریشن کامیاب رہا اور مسافروں کوبحفاظت بازیاب کرلیاگیا۔سکیورٹی ذرائع نے بتایاکہ دہشت گرد حملے میں ملوث 33دہشتگردوں کوجہنم واصل کردیا گیا، جانوں کی حفاطت کے پیش نظر کلیئرنس آپریشن میں مہارت اور احتیاط کا مظاہرہ کیاگیا اور دہشت گردوں میں خود کش بمبار بھی شامل تھے۔
سکیورٹی ذرائع کے مطابق دہشت گردوں نے معصوم بچوں اورخواتین کوبطورانسانی ڈھال استعمال کیا۔سکیورٹی فورسز کی کلیئرنس آپریشن کی ویڈیو سامنے آگئی جس میں دیکھا جا سکتا ہے کہ دہشتگردوں نے یرغمال مسافروں کوٹولیوں میں تقسیم کررکھا تھا۔سکیورٹی ذرائع کے مطابق بازیاب مسافروں کوپاک فوج کے جوانوں نے بحفاظت محفوظ مقام پرمنتقل کیا، پاک فوج کے جوانوں نے مہارت سے ایک بھی خودکش بمبار کو پھٹنے کا موقع نہیں دیا اور پاک فوج نے ایک بارپھرثابت کیا وہ کسی بھی حملے کا منہ توڑ جواب دینے کی صلاحیت رکھتی ہے۔
