اسلام آباد (این این آئی)وزیر اعظم کے معاون خصوصی برائے افغانستان آصف خان درانی نے عہدہ چھوڑ دیا ہے۔نجی ٹی وی نے ذرائع دفتر خارجہ کے حوالے سے بتایا ہے کہ آصف درانی نے ذاتی وجوہات کی بنیاد پر عہدہ چھوڑا ہے،آصف درانی نے مئی 2023 میں عہدہ سنبھالا تھا، ان کے عہدہ چھوڑنے کے بعد افغانستان کیلئے پاکستان کے نمائندہ خصوصی کی اسامی خالی ہے۔

افغانستان کیلئے نمائندہ خصوصی اس سے قبل 2005 سے 2009 تک کابل میں پاکستانی مشن کے ڈپٹی چیف کے فرائض بھی سرانجام دے چکے ہیں۔انہوں نے ایران اور متحدہ عرب امارات میں پاکستان کے سفیر کے طور پر بھی خدمات انجام دی ہیں۔ آصف درانی نے اس سے قبل نئی دہلی، نیویارک، کابل اور لندن سمیت مختلف سفارتی تعیناتیوں میں اپنے فرائض سرانجام دیئے۔