لاہور(این این آئی)پاکستان تحریک انصاف کے رہنماؤں سمیت 25سابق اراکین قومی و صوبائی اسمبلی نے پیپلز پارٹی میں شمولیت کا اعلان کر دیا۔ سیاسی شخصیات نے بلاول ہاؤس لاہور میں پاکستان پیپلز پارٹی پارلیمنٹرین کے صدر و سابق صدر مملکت آصف علی زرداری سے ملاقات کر کے شمولیت کا اعلان کیا۔
اس موقع پر پیپلز پارٹی جنوبی پنجاب کے صدر مخدوم احمد محمود سمیت دیگر بھی موجود تھے۔ پیپلز پارٹی میں شمولیت اختیار کرنے والوں میں قطب فرید کوریجہ، رئیس اکمل وارن،سردار شمشیر مزاری،سید قاسم علی شمسی،فریحہ بتول،عبد العزیز کلانک،رسول بخش جتوئی،پیر جعفر مزمل شاہ،سردار اللہ وسایا چنو لغاری،محمد علمدار عباس قریشی،ملک عبد الغفار ارائیں،مسز عطا ء قریشی،یاسر عطا قریشی،سید جمیل شاہ،سید رشید شاہ،شیخ دلشاد احمد،سید بلال مصطفی،سید تحسین نواز گردیزی،میاں علی حیدر وٹو،میاں سلمان ایوب موھل،میاں امیر حیدر وٹو،ایاز خان،امجد خان نیازی،مزمل خان نیازی،عمر مسعود فاروقی سمیت دیگر شامل ہیں۔
