اسلام آباد (این این آئی) پاکستان مسلم لیگ (ن) کے رہنما کیپٹن ریٹائرڈ محمد صفدر نے کہا ہے کہ اعتزاز احسن مقدس ادارے کو متنازع کرنے کی کوشش کر رہے ہیں ۔ میڈیا سے گفتگو کرتے ہوئے انہوںنے کہاکہ اعتزاز احسن مقدس ادارے کو متنازع کرنے کی کوشش کر رہے ہیں ۔

انہوںنے کہاکہ اعتزاز احسن نے قانون کے طلباء کو غلط سبق سکھایا ہے ،اعتزاز احسن پی ٹی آئی کی جانب سے سینیٹر بننے کی کوشش میں ایسا کر رہے ہیں ۔ انہوںنے کہاکہ نواز شریف چالیس سال سے سیاست کر رہے ہیں ،غلام اسحاق خان کے دور میں اپوزیشن میں بھی بیٹھے تھے ۔ انہوںنے کہاکہ جاوید ہاشمی پانچ سیٹوں پر لڑے تھے اور جیت گئے تھے ،عمران خان چار سیٹیں چھوڑیں گے ہم پھر جیت جائیں گے۔ انہوںنے کہاکہ ایک سینئر سیاسی رہنما اعتزاز احسن نے عدالتی فیصلے کو متنازع بنانے کی کوشش کی ،چار سال ہم نے کیس لڑا اور عدالت نے فیصلہ کیا،اعتزاز احسن چالیس سال وکالت کرنے کے بعد عدالت پر عدم اعتماد کر دیا ۔ انہوںنے کہاکہ ایبٹ آباد میں میرے کیس پر معزز جج نے کہا کہ ایک پارٹی نے اپروچ کیا ہے ،ہر بندہ فیصلے کے بعد اب عدالت سے متعلق گفتگو کریگا ۔ انہوںنے کہاکہ اعتزاز احسن نے مقدس ادارے اور چیف آف آرمی سٹاف کے خلاف گفتگو کی ،سیاچن پر بیٹھے فوجی کے دل پر اعتزاز احسن کے بیان کے بعد کیا گزری ہو گی۔