اسلام آباد (مانیٹرنگ ڈیسک/این این آئی )سابق وزیرخارجہ اور تحریک انصاف کے مرکزی رہنما شاہ محمود قریشی نے اپنے بیٹے کی بطور وزیراعلیٰ نامزدگی کے حوالے سے کہا کہ زین قریشی کی بطور وزیراعلیٰ نامزدگی کی خبروں میں کوئی صداقت نہیں

،پرویز الٰہی ہی تحریک انصاف کے وزیراعلیٰ کے واحد امید وارہیں ۔ دوسری جانب وائس چیئرمین پاکستان تحریک انصاف شاہ محمود قریشی نے سپریم کورٹ کے باہرمیڈیا سے گفتگو کرتے ہوئے کہا ہے کہ سپریم کورٹ آج ہمارا کیس سن رہی ہے،اس کیس نے پاکستان کے مستقبل کا فیصلہ کرنا ہے۔شاہ محمود قریشی نے کہا کہ اس ملک میں آئندہ آنے والے دنوں میں کس قسم کی حکومت ہوگی، وہ قیادت کو اس ملک کے خزانے کی رکھوالی کرے گی یا وہ جو ملک کا خون چوسے گی یا وہ قیادت کو منی لانڈرنگ کے زریعے اس ملک کی دولت باہرمنتقل کرے گی۔وائس چیئرمین پی ٹی آئی نے کہا کہ عوام فیصلہ کرچکی ہے اور لوٹوں کو مسترد کردیا ہے ،میں پیشن گوئی کرہا ہوں جنرل الیکشن میں بھی قوم لوٹوں کو مسترد کرے گی۔شاہ محمود قریشی نے مزید کہا کہ پاکستانی قوم اٹھ کھڑی ہوئی ہے، پاکستان کی قوم بازاری کیخلاف اٹھ کھڑے ہوئے ہیں،موجودہ حکومت نے نیب قانون کاحلیہ بگاڑ دیا ہے،نئے نیب قانون میں وائٹ کالر کرائم کو کھلی چھوٹ دی گئی ہے۔رہنما پی ٹی آئی نے کہا کہ ہمارے وزیر اعلی پنجاب کے امیدوار پرویز الہی ہیںم پرویز الہی نے خاندانی مشکلات کے باوجود عمران خان کا ساتھ دیا، پرویز الہی پہلے بھی وزیر اعلی پنجاب رہ چکے ہیں تجربہ کار ہیں۔