لاہور( این این آئی) نو منتخب وزیر اعلیٰ پنجاب حمزہ شہباز نے کہا ہے کہ صدر اور گورنر تاریخ کو داغدار نہ کریں، آئین کے تحت کام کریں، عمران نیازی کے ذاتی غلام نہ بنیں۔لاہور کی سپیشل سینٹرل عدالت کے باہر گفتگو کرتے ہوئے انہوںنے کہا کہ ساری قوم نے سن لیا کہ عدالت میں کیا دلائل ہوئے، تین ہفتے ہونے کو ہیں سب سے بڑے صوبے کا کوئی وزیر اعلیٰ نہیں ۔حمزہ شہباز نے کہا کہ میرا خیال ہے کہ صدر صاحب اور گورنر کو ہوش کے ناخن لینے ہوں گے، آئین سب سے بڑا ہے، اناء چھوٹی ہے۔میرا حلف نہ لینے کا ایک ہی آدمی ذمہ دار ہے جس نے آئین توڑا ہے، وہ ترغیب دے رہا ہے، اداروں پر چڑھ دوڑو، عمران نیازی اس کا مجرم ہے ۔حمزہ شہباز نے کہا کہ لاکھوں لوگوں کو بے روزگار کیا گیا، پرویز الٰہی کو سمجھ آ جانی چاہیے، گنڈے اور ڈنڈے کی سیاست نہیں چلے گی۔انہوں نے کہا کہ عمران نیازی کارکنوں کو اداروں پر چڑھائی کی تربیت دے رہے ہیں۔