اسلام آباد (مانیٹرنگ ڈیسک) عمران خان 2021ء میں وزیراعظم نہیں رہیں گے، اس بات کی پیشگوئی ماموں ماہر علم نجوم، سامعہ خان ماہر علم الاعداد، عالیہ نذیر ماہر ٹیروکارڈ اور علی محمد خان ماہر علم نجوم نے کی۔ نجی ٹی وی چینل کے پروگرام میں بات چیت کرتے ہوئے عالیہ نذیر نے کہا کہ میں نے جب وزیراعظم عمران خان نے وزارتِ عظمیٰ کا حلف لیا تھا تو میں نے اس وقت

پیشگوئی کر دی تھی کہ ان کی حکومت 2021ء کے وسط تک رہے گی، اب جب ہمارے ستارے دیکھتے ہیں تو اس سے ہمیں معلوم ہوتا ہے کہ یہ سسٹم بدلنے والا ہے، عمران خان دوبارہ وزیراعظم بنیں گا یا صدر بھی بن سکتے ہیں۔ عمران خان اسمبلیاں توڑ بھی سکتے ہیں لیکن عمران خان دوبارہ پاور میں آ سکتے ہیں۔ عمران خان اپنی بساط خود لپیٹنے والے ہیں اور دوبارہ خود ہی بساط بچھائیں گے، سامعہ خان نے اس بارے میں بات کرتے ہوئے کہا کہ تین ایسے مقام آئے ہوں گے جب عمران خان کا دل چاہا ہو گا کہ وہ سب کچھ چھوڑ کر یہاں سے نکل جائیں، علم الاعداد کے مطابق 22 فروری تک ان پر شدید دباؤ آ رہا ہے، یہ بات طے ہے کہ اس ملک میں اس سال سسٹم نے بدل جانا ہے وہ صدارتی نظام بھی ہو سکتا ہے، وہ نیشنل گورنمنٹ بنتی ہے یا ٹیکنو کریٹس سیٹ اپ بنتا ہے، اس بارے میں مجھے نہیں پتہ۔ مجھے یہاں عمران خان بینفشری نظر نہیں آتے ہیں۔ اس بارے میں علی محمد خان نے بات کرتے ہوئے کہا کہ عمران خان نے جب حلف لیا تھا اس وقت بھی ستاروں کی پوزیشن خراب تھی، تو ایسی صورت میں جب کوئی شخص کوئی کام کرتا ہے تو وہ اپنی مدت پوری نہ کر سکتا۔ میرے زائچے کے مطابق عمران خان کے لئے فروری 2021ء سے لے کر جون 2021ء تک انتہائی سخت وقت ہو گا۔ اس میں حکومت جانے یا پھر عمران خان وزارتِ عظمیٰ پر نہ رہیں یہ صورتحال بن رہی ہے۔ ستاروں کی چال یہ بتا رہی ہے

لیکن صدقہ بلاؤں کو ٹالتا ہے، عمران خان مختلف وظائف بھی کرتے ہیں اور صدقہ بھی کرتے ہیں۔ ہو سکتا ہے کہ صدقہ بلاؤں کو ٹال دے۔ اس کے برعکس جون عمران خان کے لئے بہت خطرناک نظرآ رہا ہے۔ اس پر بات کرتے ہوئے ماہر علم نجوم ماموں نے کہا کہ نئے سال میں عمران خان کے لئے کافی مشکلات آنے والی ہیں۔ ماہر علم نجوم نے کہا کہ عمران خان بہت سخت جان ہیں، وہ امید ہے مینج کر جائیں گے۔

موضوعات:عمران خان