اسلام آباد ( آن لائن )وزیراعظم نے گیس کی قیمتوں میں اضافے کی سمری مسترد کر دی۔ کابینہ اجلاس کے دوران وزیراعظم کا گندم ، چینی کی قیمتوں میں اضافے پر تشویش کا اظہار ، کابینہ اراکین کاکہنا تھا کہ بجلی گیس کی قیمتوں میں کسی صورت اضافہ نہیں کرینگے ۔ تفصیلات کے مطابق وزیراعظم کی زیر صدارت وفاقی کابینہ اجلاس میں گندم کی سرکاری قیمت بڑھانے کی تجویز پر اتفاق کیاگیا ہے ۔ وزیراعظم نے گندم کی

بروقت درآمد نہ کرنے پر اظہار برہمی کرتے ہوئے کہا کہ اقتصادی رابطہ کمیٹی کے فیصلے پر فوری عمل کیوں نہیں ہوا وزیراعظم نے کہا کہ کسانوں کو مراعات دی جائیں تاکہ گندم کی فصل زیادہ ہو وزیراعظم نے تنبیہ کی کہ آئندہ ایسی غلطی کی کوئی گنجائش نہیں ہوگی کابینہ اراکین نے کہا کہ بجلی گیس کی قیمتوں میں کسی صورت اضافہ نہیں کرینگے ۔ وزیراعظم نے پی آئی اے ری اسٹرکچرنگ پلان آئندہ اجلاس تک ملتوی کردیا۔