اسلام آباد (مانیٹرنگ ڈیسک) ہماری لوٹی ہوئی رقم فوری طور پر واپس کی جائے، یہ مطالبہ وزیراعظم پاکستان عمران خان نے اقوام متحدہ سے کیا ہے کہ ترقی پذیر ممالک سے لوٹی رقم فوری طور پر واپس کی جائے۔وزیراعظم نے اقوام متحدہکے پینل سے خطاب کرتے ہوئے کہاکہ ہماری حکومت کو کرپشن کے خاتمے اور فنانشل کرائمز ختم کرنے کا مینڈیٹ ملا۔ عالمی برادری کو اینٹی منی لانڈرنگ کیخلاف اقدامات کرنے چاہئیں۔ وزیراعظم نے مزید کہا کہ وائٹ کالر کرائم کے ذریعے ہر سال ایک کھرب ڈالر کی منتقلی ہوتی ہے۔ ترقی پذیر ممالک سے ہر سال اربوں ڈالر غیر
قانونی طور پر نکل جاتے ہیں۔ موثر اقدامات کے بغیر امیر اور غریب کے درمیان فرق بڑھتا جائے گا۔وزیراعظم عمران خان نے اپنے خطاب میں کہا کہ ترقی پذیر ممالک کورونا کی وجہ سے شدید متاثر ہوئے ہیں۔ انہوں نے کہا کہ غیر منصفانہ سرمایہ کاری معاہدوں کو منصفانہ بنانا ہوگا۔اقوام متحدہ کو غیر قانونی رقوم کی منتقلی روکنے کے لئے بھی لائحہ عمل طے کرنا ہوگا۔
