اسلام آباد(مانیٹرنگ ڈیسک) موٹروے کیس میں اہم پیشرفت ،مبینہ ملزم وقار الحسن کا برادر نسبتی عباس بھی پولیس کے سامنے پیش ہوگیا، نجی ٹی وی جیو نیوز کے مطابق ملزم وقار الحسن کے برادر نسبتی عباس نے بھی گرفتاری دیدی ہے ، تحقیقات کے دوران جیو فینسنگ میں عباس کا نام سامنے آیا تھا۔ گزشتہ روز وقار الحسن نے سی آئی اے تھانہ ماڈل ٹائون میں پیش ہو کر

گرفتاری دی تھی جس دوران اس نے بھی عباس کا نام لیا تھا جس کے بعد پولیس نے اس کی بھی تلاش شروع کر دی تھی تاہم اب وہ خود سامنے آ گیاہے اور گرفتاری پیش کر دی ہے ۔عباس پر الزام ہے کہ وہ مرکزی ملزم عابد کے ساتھ رابطے میں تھا ۔عباس نے شیخو پورہ میں پولیس کو گرفتاری دی ہے ، عباس ملزم وقار کے نام پر جاری ہونے والی سم استعمال کر رہا تھا۔