اسلام آباد(آن لائن) وزیرا عظم عمران خان نے انڈر ٹرائل خواتین قیدیوں کو فوری طور پر رہا کرنے کی ہدایات جاری کردی ہیں۔ وزیر اعظم عمران خان کی زیر صدارت خواتین قیدیوں کی صورت حال پر اعلیٰ سطحی اجلاس منعقد ہوا۔اجلاس میں وزارت انسانی حقوق، اٹارنی جنرل پاکستان اور ماہرین قانون شریک تھے۔
اجلاس میں وزیر اعظم نے ہدایت کی کہ انڈر ٹرائل خواتین قیدیوں کو فوری طور پر رہا کیا جائے۔خواتین قیدیوں کے حوالے سے سپریم کورٹ کے فیصلے پر عمل کیا جائے، وزیراعظم عمران خان کا کہناتھاکہ جو قیدی خواتین سپریم کورٹ احکامات کے فیصلے پر پوری اترتی ہیں ان کو فوراً رہا کیا جائے۔
