اسلام آباد(آن لائن) شوگر سبسڈی سکینڈل کی تحقیقات نیب راولپنڈی سپرد،ڈی جی نیب راولپنڈی رفان نعیم منگی کی سربراہی میں کمبائنڈ انویسٹی گیشن ٹیم تمام اداروں سے سنسڈی کا ریکارڈ طلب کر ے گی جبکہ تحقیقات کے دوران شوگر ملز مالکان کو بھی طلب کیا جائے گا ،چیئرمین نیب کی جانب سے شوگر سبسڈی کی تحقیقات کا معاملہ نیب راولپنڈی کو بھیجا گیا ہے، تفصیلات کے مطابق شوگر سبسڈی سکینڈل کی تحقیقات نیب راولپنڈی سپرد کر دی گئی ہیں۔
نیب چینی کے حوالے سے دی جانے والی سبسڈی کی تحقیقات کرے گا، تحقیقات کے لئے کمبائنڈ انویسٹی گیشن ٹیم تشکیل دینے کا فیصلہ کرلیا گیا ہے جس کی سربراہی ڈی جی نیب راولپنڈی رفان منگی کریں گے، عرفان منگی جعلی اکاؤنٹس کیس کی کمبائنڈ انویسٹی گیشن ٹیم کے سربراہ بھی ہیں، نیب تمام اداروں سے سبسڈی کے حوالے سے ریکارڈ طلب کرے گا جبکہ تحقیقات کے دوران شوگر ملزمالکان کو بھی طلب کیا جائے گا ۔
