اسلام آباد (این این آئی)ملک بھر میں گزشتہ چوبیس گھنٹوں کے دور ان مزید 59افراد جاں بحق ہوئے جس کے بعد اموات کی تعداد 3962ہوگئی جبکہ کورونا وائرس کے مزید 2775 کیسز رپورٹ ہوئے اور کورونا کیسز کی تعداد ایک لاکھ 95 ہزار 745 تک جا پہنچی ۔
جمعہ کو نیشنل کمانڈ اینڈ آپریشن نے کورونا وائرس کے تازہ اعدادو شمار جاری کر دئیے جس کے مطابق چوبیس گھنٹوں میں مزید59 مریض جاں بحق ہوئے اور اس طرح ملک میں کورونا سے اموات کی تعداد 3962 ہوگئی۔ این سی اوسی کے مطابق کرونا کے سب سے زیادہ کیسز سندھ میں 75 ہزار سے تجاوز کر گئے ،پنجاب میں کرونا کیسز کی 71 ہزار 987 ہو گئی، خیبرپختونخوا میں کرونا کیسز کی تعداد 24 ہزار 303 ہوگئی۔ این سی اوسی کے مطابق بلوچستان میں9 ہزار 946، اسلام آباد میں کرونا مریضوں کی تعداد 11 ہزار 981 ہوگئی ،گلگت بلتستان میں 1397 اور آزاد کشمیر میں کرونا کیسز کی تعداد 962 ہوگئی، اب تک کرونا سے متاثرہ 84 ہزار سے زائد مریض صحت یاب ہوچکے ہیں ،چوبیس گھنٹوں میں کورونا کے 21 اے زائد ٹیسٹ کیے گئے۔این سی او سی اعلامیہ کے مطابق ملک میں ابتک 11 لاکھ 93 ہزار سے زائد ٹیسٹ کیے جا چکے ہیں، ملک بھر میں کورونا کے 491 مریض وینٹی لیٹر پر ہیں۔این سی او سی اعلامیہ کے مطابق پنجاب میں کورونا سے اموات کی تعداد 1629 سو سے تجاوز کر گئی، سندھ میں ابتک کورونا سے اموات 1178 ہو گئی، خیبر پختونخواہ میں کورونا کے 879 مریض دم توڑ چکے ہیں ۔ این سی اوسی کے مطابق بلوچستان میں 108 اسلام آباد میں کورونا سے 119 اموات ریکارڈ ہوئیں ،گلگت میں 23 اور آزاد کشمیر میں 25 اموات ریکارڈ ہوئیں ۔
