اسلام آباد(مانیٹرنگ ڈیسک) محکمہ خزانہ سندھ کی جانب سے وزیراعلیٰ ہاؤس کی تزین و آرائش کیلئے ڈیڑھ کروڑ جاری ،میڈیا رپورٹس کے مطابق نوٹیفکیشن میں کہا گیا ہے کہ وزیراعلیٰ ہاؤس کی تزین و آرائش کا کام شفاف طریقے سے کیا جائے۔واضح رہے کرونا وائرس کی موجودہ صورتحال میں وزیراعلیٰ سندھ دوہرامعیار برت رہے ہیں۔
یونین کونسلز کے ماہانہ اخراجات کے دو دولاکھ روپے کی کٹوتی کی گئی ہے، دیگر محکموں کے ترقیاتی فنڈز بھی بند کردیئے گئے ہیں، عوام بھی گھروں میں قید ہیں،زندگی کا پہیہ جام ہے، وزیراعلیٰ بار بار یہ کہتے سنائی دیتے ہیں کو حکومت کو مالی بحران کا سامنا ہے لیکن وزیراعلیٰ ہاؤس کی سجاوٹ کیلئے مشکل وقت میں رقم جاری کردی گئی جبکہ مزید رقم بھی جاری کرنے کا عندیہ دیا گیا ہے۔اس معاملے پر ترجمان وزیراعظم شہباز گل نے شدید تنقید کردی، ٹویٹ پر لکھا کہ یہ ہے آپ کی اصل مینجمنٹ ۔ سوائے عوام کے پیسے پر لوٹ مار کرنے کہ آپ کو کچھ نہیں آتا۔ ایک وزیراعظم پاکستان عمران خان ہیں جو اپنی سرکاری رہائش گاہ کو یونیورسٹی بنا رہے ہیں۔ایک آپ ہیں کہ کرونا کے مشکل ترین حالات جس میں وفاقی اور صوبائی حکومتیں اس سے لڑ رہی ہی آپ تزین و آرائش کر رہے ہیں۔ترجمان وزیراعظم ڈاکٹر شہبازگل کا مزید کہنا ہے کہ سندھ حکومت کرونا کے معاملے پر سیاست کررہی ہے۔۔ کوروناعالمی جنگ ہے،اس پرسیاست افسوسناک ہے۔ ملک مکمل لاک ڈاؤن کا متحمل نہیں ہوسکتا۔۔ لاک ڈاؤن میں توسیع عوام کیلئےتکلیف کاباعث بنےگی۔ کرونا سے بچاتے بچاتےعوام کوغربت سےنہیں مارسکتے۔
