اسلام آباد (مانیٹرنگ ڈیسک)بیرون ممالک میں پھنسے 40ہزار پاکستانیوں کی وطن واپسی کا فیصلہ ، حکم جاری کر دیاگیا ۔ تفصیلات کے مطابق وزیراعظم عمران خان نے کرونا وائرس کی مہلک وباء پھیلنے کے بعد بیرون ملک پھنس جانے والے پاکستانیوں کی واپسی کا فیصلہ کر لیا اور متعلقہ اداروں احکامات جاری کر دیئے کہ وہ فی الفوران کی واپسی سے متعلق لائحہ عمل بنائیں ۔ بتایا گیا کہ ہے بیرون ملک
پاکستانیوں کو واپس لانے کیلئے خصوصی پروازیں چلائی جائیں گی ۔ پاکستانیوں کو اپس لا کر انہیں قرنطینہ میں رکھا جائے گا اور ان کے ٹیسٹ لیے جائیں گے جو لوگ کرونا سے کلیئر ہوں گے انہیں گھر جانے کی اجازت ہو گی باقی افراد کا حکومت علاج کرے گی ۔ قبل ازیں وفاقی حکومت نے کورونا وائرس کے پھیلاؤ کو روکنے کیلئے ملک بھر میں جاری جزوی لاک ڈاؤن میں توسیع کا فیصلہ کرلیا جس کا باظابطہ اعلان منگل کو کیا جائےگا۔وزیراعظم عمران خان کی زیر صدارت نیشنل کوآرڈینیشن کمیٹی (این سی سی) اجلاس میں لاک ڈاؤن سے متعلق ملک بھر میں یکساں پالیسی اپنانے کا فیصلہ کیا گیا، تعمیراتی سیکٹر کا پہلا فیز 14 اپریل سے کھولنے کا بھی فیصلہ کیا گیا۔وزیراعظم عمران خان کی زیر صدارت قومی کوآرڈی نیشن کمیٹی (این سی سی) کا اجلاس ہوا جس میں کورونا وائرس کی صورتحال سے نمٹنے کے لیے اقدامات کا جائزہ لیا گیا۔ذرائع کے مطابق اجلاس میں وزیراعلیٰ سندھ مراد علی شاہ نے درخواست کی کہ کوئی بھی فیصلہ کرنے سے قبل سندھ حکومت سے مشاورت کی جائے۔وزیراعظم نے وزیراعلیٰ سندھ مراد علی شاہ کی درخواست کو منظور کرلیا۔ذرائع نے بتایا کہ اجلاس میں فیصلہ کیا گیا کہ حکومت کی طرف سے اٹھائے جانے والے اقدامات کا اعلان منگل کو کیا جائے گا اور تعمیراتی سیکٹر کا پہلا فیز بھی 14 اپریل سے کھول دیا جائے گا۔ذرائع کے مطابق وزیراعظم چاہتے ہیں کہ ملک بھر میں لاک ڈاؤن سے متعلق ایک جیسی پالیسی ہو جبکہ ملک بھر میں لاک ڈاؤن کو مزید توسیع دینے کا اعلان بھی کل کیا جائے گا۔خیال رہے کہ ملک میں کورونا وائرس کا پھیلاؤ روکنے کے لیے جزوی لاک ڈاؤن جاری ہے جس کی مدت 14 اپریل کو ختم ہورہی ہے۔
