اسلام آباد(مانیٹرنگ ڈیسک )اسلام آباد میں شکرپڑیاں کے قریب چاندتارا کے جنگل میں طیارہ گر کر تباہ ہوگیا۔ابتدائی رپورٹ کے مطابق کچھ دیر قبل خصوصی تربیتی طیارہ مشہور چاندتارا چوک کے قریب جنگل میں گر کر تباہ ہوگیا جہاں پاکستان اسپورٹس بورڈ امپلائی کالونی بھی واقع ہے، حادثے کے بعد طیارے میں آگ لگ گئی۔پولیس ذرائع کے مطابق حادثے کی جگہ کو سکیورٹی اداروں

نے گھیرے میں لے لیا ہے، ریسکیو ٹیمیں بھی جائے حادثے پر موجود ہیں اور امدادی کارروائیاں جاری ہیں۔ذرائع کا کہنا ہے کہ طیارے گرنےکے واقعے میں اب تک کسی جانی نقصان کی کوئی اطلاع نہیں۔آئی ایس پی آر کی جانب سے اس بات کی تصدیق کی گئی ہے کہ تباہ ہونے والا لڑاکا طیارہ F-16تھا۔پاک فضائیہ کی جانب سے انکوائری بورڈ تشکیل دیدیا گیاہے۔