اسلام آباد(مانیٹرنگ ڈیسک)لندن میں زیرعلاج نوازشریف کے ذاتی معالج ڈاکٹر عدنان پر حملہ۔ ترجمان شریف فیملی کے مطابق لندن کے علاقے پارک لین میں دونقاب پوشوں نے ڈاکٹر عدنان پردھاتی راڈ سے حملہ کیا اور مکے مار کر زدو کوب تشدد کیا جس سے وہ شدید زخمی ہوگئے۔ ترجمان نے بتایا کہ ڈاکٹرعدنان کےسر، چہرے اور سینے پر چوٹیں آئی ہیں جنہیں فوری طور پر ہسپتال منتقل کردیا گیاہے۔ترجمان کے
مطابق ڈاکٹر عدنان کو حملے سے قبل دھمکی آمیز کالیں موصول ہوئی تھیں جس کے ثبوت پولیس کو دے دیے گئے ہیں۔ ترجمان شریف فیملی نے ڈاکٹر عدنان پر ہونے والے حملے کی سخت مذمت کرتے ہوئے کہا کہ اس قسم کے حملوں کا جواب قانونی دائرے میں رہ کر دینےکا حق رکھتے ہیں۔لندن پولیس کا کہنا ہے کہ ڈاکٹر عدنان پر حملے سے متعلق شکایت موصول ہوگئی جس پر تحقیقات کا آغاز کردیا گیا ۔
