گیس اور بجلی کی قیمتوں میں اضافہ نہ کرنے پر اتفاق، وزیراعظم کی زیرصدارت کابینہ اجلاس میں مہنگائی کیخلاف انتہائی اہم فیصلے، مہنگائی سے پریشان حال عوام کیلئے خوشخبری

  جمعرات‬‮ 20 فروری‬‮ 2020  |  23:14

اسلام آباد (این این آئی) وزیر اعظم عمران خان کی زیر صدارت وفاقی کابینہ کا اجلاس میں ارکان نے گیس اور بجلی ٹیرف میں اضافہ نہ کرنے پر اتفاق کرتے ہوئے مہنگائی سے نمٹنے کے لئے مزید ہنگامی اقدامات کرنے کا فیصلہ کیا ہے۔ تفصیلات کے مطابق وزیراعظم کی زیرصدارت کابینہ اجلاس کو اٹارنی جنرل پاکستانی کے استعفی کی تفصیلات بتائی گئیں۔ اجلاس میں مہنگائی،بجٹ رپورٹ اور ٹیکس محصولات پر غور کیا گیا۔ وزیر اعظم عمران خان نے کہا کہ عوام کو حکومتی فیصلوں سے ریلیف نظر آئے گا۔ اجلاس میں وفاقی وزراء نے بھی مہنگائی کنٹرول کرنے کے لئے تجاویز


دیں۔ بریفنگ میں بتایا گیا کہ گیس اور بجلی مہنگی ہونے کا اثر دوسری اشیاء پر بھی پڑا۔ اجلاس میں کابینہ ارکان نے گیس اور بجلی ٹیرف میں اضافہ نہ کرنے پر اتفاق کیا۔ اجلاس میں فیصلہ کیا گیا کہ مہنگائی سے نمٹنے کے لئے مزید ہنگامی اقدامات کرنے ہونگے۔ عوام پر نئے ٹیکسوں کا بوجھ بھی نہیں ڈالاجائے گا۔وزیر اعظم نے معاشی ٹیم کو ٹیکس ہدف بروقت پورا کرنے کا ہدف دیا۔ اجلاس میں فیصلہ کیا گیا کہ پیاز، ٹماٹر، آلو اور ضروری سبزیوں کی قیمتوں پر کنٹرول کیا جائے گا۔ آٹا،چاول،دالیں،چینی اور گھی کی قیمتیں کنٹرول میں رکھنے کے لئے موثر حکمت عملی پر بھی غور کیا گیا۔ کابینہ اجلاس میں ہدایت کی گئی کہ یوٹیلیٹی اسٹورز انتظامیہ تمام بنیادی اشیاء کی کمی نہ آنے دے۔ نیشنل ایجوکیشن پلان 2020 وزیر تعلیم شفقت محمود کی عدم موجودگی کے باعث موخر رہ گیا۔ احساس پروگرام میں ارکان پارلیمنٹ کے کردار کا ایجنڈہ ثانیہ نشتر کی عدم موجودگی کے باعث موخر رہ گیا۔ زائرین مینجمٹ فریم ورک پر وزیر اعظم نے وزیر مزہنی امور کی سربراہی میں تین رکنی کمیٹی بنادی۔ کمیٹی میں وفاقی وزیرشیریں مزاری، وفاقی وزیر علی زیدی شامل ہوں گے۔چھ ماہ کی بجٹ ریویو رپورٹ میں معاشی اعشارئیے مثبت ہونے پر وزیر اعظم نے معاشی ٹیم کی بھی تعریف کی۔


موضوعات: