چین سے خطرناک ترین کرونا وائرس پاکستان پہنچ گیا‎

  ہفتہ‬‮ 25 جنوری‬‮ 2020  |  11:02

اسلام آباد(مانیٹرنگ ڈیسک)چین سے خطرناک ترین کرونا وائرس  پاکستان پہنچ گیا۔مہلک ترین وائرس کا پہلا کیس ملتان میں سامنے آیا ہے جہاں اس خطرناک وائرس کا شکارشخص کو نشتر ہسپتال میں منتقل کیاگیا۔نجی ٹی وی  کے مطابق   ملتان کے نشتر ہسپتال میں ایک چینی باشندے کو داخل کیا گیا ہے جو کروناوائرس کا شکار ہے۔رپورٹ کے مطابق یہ چینی شہری21 جنوری کو چین سے براستہ دبئی کراچی پہنچا تھا جہاں سے وہ پی آئی اے کی فلائٹ پی کے 332کے ذریعے ملتان پہنچا۔جہاں حالت خراب ہونے پر نشتر ہسپتال کے آئسولیشن وارڈ میں منتقل کیاگیا۔متاثرہ مریض کی شناخت ظاہر نہیں کی


گئی۔ذرائع کے مطابق متاثرہ شخص کی عمر 40سال ہے۔ چینی باشندے کے خون کے نمونے لیبارٹری بھجوا دیئے گئے ہیں۔رپورٹ کے مطابق مریض جہاں رہ رہا تھا اس مقام کو بھی سیل کردیا گیاہے اور وہاں کا معائنہ کیا جارہاہے۔

موضوعات: