اسلام آباد(آن لائن)بین الاقوامی سروے کے مطابق وفاقی دارالحکومت اسلام آباد سمیت شہر قائد کراچی اور لاہور میں جرائم کی شرح بھی بڑی حد تک کمی کے باعث ان شہروں کی عالمی درجہ بندی میں بہتری آگئی ہے۔ورلڈ کرائم انڈیکس نیمبیو کی جانب سے جاری رپورٹ میں بتایا گیا ہے اسلام آباد جرائم کی شرح میں 4 فیصد کمی کے بعد سڈنی، برلن، ماسکو، لندن، پیرس اور شنگھائی مات دیتے ہوئے دنیا کے محفوظ ترین شہروں میں شامل ہوگیا ہے۔جاری شدہ فہرست کے

مطابق اسلام آباد 69 درجے بہتری کے بعد 301 نمبرپر آ گیا ہے اور اس کا کرائم انڈیکس کم ہو کر 28.63 پوائنٹس سطح پر پہنچ گیا ہے۔گزشتہ سال ورلڈ کرائم انڈیکس میں اسلام آباد 232 نمبر پر موجود تھا جبکہ اس میں جرائم کی شرح 32.88 فیصد تھی۔رپورٹ دْنیا بھر کے 374 شہروں میں سروے کے بعد جاری کی گئی ہے۔ کراچی 22 درجے بہتری کے بعد 66 ویں نمبر سے 88ویں نمبر پر پہنچ گیا۔لاہور 28 درجے بہتری کے بعد 174 ویں نمبر سے 202 پر پہنچ گیا۔