اسلام آباد (این این آئی)قومی اسمبلی کے بعد سینیٹ نے بھی پاکستان آرمی، نیوی، ایئرفورس ایکٹس ترامیمی بلز 2020 کو کثرت رائے سے منظور کرلیے ۔ بدھ کو چیئرمین سینٹ صادق سنجرانی کی زیرصدارت سینٹ کا اجلاس ہوا جس میں سنیٹر ولید اقبال نے پاکستان آرمی ایکٹ 1952، پاکستان ائیر فورس 1953 اور پاکستان نیوی ایکٹ 1961 ترمیمی بلز پر قائمہ کمیٹی دفاع کی رپورٹس ایوان میں پیش کیں جس کے بعد وزیر دفاع پرویز خٹک نے سروسز ایکٹ
ترمیمی بلز کو ایوان میں شق وار منظوری کیلئے پیش کیا جس کو کثرت رائے سے منظور کرلیا گیا۔پاکستان مسلم لیگ (ن) اور پاکستان پیپلزپارٹی نے بلز کی منظوری میں حکومت کا ساتھ دیا جبکہ ترمیمی بلز کی منظوری کے خلاف جماعت اسلامی، نیشنل پارٹی اور پختونخوا ملی عوامی پارٹی کے ارکان نے احتجاج کیا اور ایوان سے واک آؤٹ کیا۔ان تینوں بلز کی منظوری کے بعد چیئرمین سینیٹ نے اجلاس جمعہ 10 جنوری کو صبح ساڑھے دس بجے تک ملتوی کردیا۔
