اسلام آباد( آن لائن )پاکستان پیپلز پارٹی نے 2019 معاشی بدحالی اور مطلق العنانیت کا سال قرار دے دیا ۔ ایک بیان میں نیر بخاری نے کہاکہ منتخب حکومت نے انسانی معاشی حقوق پر ڈاکے ڈالے ہیں۔انہوںنے کہاکہ چھین لی روٹی گرا دیا مکان یہ ہے نیا پاکستان،عمران خان قومی معاملات سے

مکمل لاتعلق اور کابینہ کی توجہ زاتی. ملازمت پر رہی ہے ۔انہوںنے کہاکہ آئی ایم ایف ملازمین نیملکی خزانہ کی کنجیاں آئی ایم ایف کے حوالے کیں۔انہوںنے کہاکہ پارلیمنٹ پر حملہ آور پارلیمنٹ کی بے توقیری جاری رکھے ہو ئے ہیں ،اظہار رائے آزادی پر قدغنوں اور دھونس دبا کے ہتھکنڈے استعمال کئے گئے اور کئے جا رہے ہیں۔ انہوںنے کہاکہ اشرافیہ کیلئے ریلیف اور عوام کی تکالیف میں اضافہ کیا گیا ۔انہوںنے کہاکہ ناقابل برداشت مہنگائی کے علاوہ کوئی تبدیلی نہیں آئی،عوام الناس پر مہنگی گیس بجلی بم گرائے گئے۔ انہوںنے کہاکہ روٹی نان عوام اور دوائی مریض کی پہنچ سے دور کی گئی،کردار کشی الزام تراشی بد زبانی بد اخلاقی کو سرکاری سرپرستی میں پروان چڑھایا گیا۔ انہوںنے کہاکہ سرکاری حکومتی اختیار اور وسائل سیاسی مخالفین کے خلاف استعمال کئے جا رہے ہیں،حریت پسند کشمیریوں کو بے سہارا اور بے آسرا کر دیا گیا ہے ۔انہوںنے کہاکہ ناکام خارجہ پالیسی سے ملک عالمی سطح پر تنہائی کا شکار ہو گیا ہے،احتساب کے نام پر آصف زرداری اور پارٹی قیادت کو زاتی انتقام کا نشانہ بنایا گیا۔ انہوںنے کہاکہ بلاول بھٹو کی قیادت میں آئین کی بالادستی اور جمہوریت کی مظبوطی کا کردار جاری رہے گا