اسلام آباد(مانیٹرنگ ڈیسک) پاکستانی نژاد برطانوی باکسر عامر خان نے آسٹریلوی باکسر بلی ڈب کو فائٹ کے چوتھے راؤنڈ میں ناک آؤٹ کردیا۔میڈیا رپورٹس کے مطابق سعودی عرب کے شہر جدہ کے کنگ عبداللہ سٹیڈیم میں ہونے والی فائٹ میں پاکستانی نژاد برطانوی باکسنگ چیمپئن عامر خان نے آسٹریلوی باکسر بلی ڈب کو ہرا دیا۔پاکستانی نژاد برطانوی باکسر فائٹ کے تینوں راؤنڈز میں آسٹریلوی باکسر پرحاوی رہے اور چوتھے راؤنڈ میں
حریف باکسر بلی ڈب کو ناک آؤٹ کردیا۔باکسر عامر خان نے فائٹ جیتنے کے بعد کہا کہ یہاں آکر خوشی ہوئی، جدہ میں دوبارہ آؤں گا۔ انہوں نے سٹیڈیم میں موجود شائقین کا تھینک یو جدہ کہہ کر شکریہ ادا کیا۔سابق آرمی چیف جنرل راحیل شریف بھی اس موقع پر موجود تھے اورفائٹ جیتنے کے بعد باکسر عامر خان کو گلے لگا کر مبارکباددی۔ وفاقی وزیرسائنس اینڈ ٹیکنالوجی فواد چوہدری نے بھی فائٹ دیکھی اور عامر خان کو خوب داد کی۔
