نئی دہلی (آئی این پی) بھارتی آرمی چیف جنرل بیپن راوت نے بڑھک مارتے ہوئے کہا ہے کہ پاکستان دوبارہ کارگل کی طرح بھارت کے خلاف دراندازی کی جرات نہیں کرےگا کیونکہ وہ نتائج دیکھ چکا ہے ،ہماری مسلح افواج ملک کی سرحدوں پر کڑی نگرانی رکھے ہوئے ہیں ، ایسا کوئی بھی علاقہ نہیں جسے ہم نے غیر محفوظ چھوڑ رکھا ہو ۔

بھارتی میڈیا کے مطابق کارگل جنگ کو 20سال پورے ہونے کے موقع پر دہلی کنٹونمنٹ میں منعقدہ ایک تقریب کے دوران صحافیوں سے گفتگو کرتے ہوئے جنرل بیپن راوت کا کہنا تھاکہ پاکستان دوبارہ بھارت کے خلاف ایسی جارحیت کی کوشش نہیں کرے گا ہماری نگرانی کی ٹی میں تمام علاقوں میں باقاعدگی کے ساتھ گشت کرتی ہیں ۔