نئی دہلی(این این آئی) امریکہ ایران پر مزید پابندیاں عائد کرنے جا رہا ہے اور صدر ڈونلڈٹرمپ نے باقی دنیا کو دھمکی دے رکھی ہے کہ جو ان امریکی پابندیوں پر عملدرآمد نہیں کرے گا اسے بھی ایسے ہی نتائج کا سامنا کرنا ہو گا، تاہم بھارت نے امریکہ کا یہ دبائو قبول کرنے سے انکار کر دیا ہے اور اعلان کر دیا ہے کہ

وہ ایران سے تیل کی خریداری اور دیگر اشیاء کی تجارت جاری رکھے گا۔بھارتی اخبار دی ہندو کے مطابق یہ اعلان بھارتی وزیرخارجہ وی مرالی دھرن نے لوک سبھا میں اراکین کے سوالوں کے جوابات دیتے ہوئے کیا۔مرالی دھرن کا کہنا تھا کہ ملک میں اب بھی کنفیوںن پائی جا رہی ہے کہ امریکہ کی طرف سے ایران پر پابندیاں عائد ہونے کے بعد بھارت کی پوزیشن کیا ہو گی؟ حکومت کی طرف سے کہا جا چکا ہے کہ وہ ایران کے ساتھ تجارت اور تیل کی خریداری منسوخ نہیں کرے گی۔ ہم ایران سے تیل کی خریداری جاری رکھیں گی اور باقی اشیاء کی تجارت بھی ہوتی رہے گی۔ ایران کے ساتھ بھارت کے تعلقات ہمارے باہمی تعلقات ہیں۔ ان پر امریکہ یا کسی تیسرے ملک کا اثر نہیں ہے۔

موضوعات:امریکہ ایران بھارت صدر ڈونلڈٹرمپ