ہمارا ہمسایہ چین دنیا کا واحد ملک ہے جس میں اگر کوئی شخص اپنے ساٹھ سال سے زیادہ بوڑھے والدین سے ملاقات کیلئے نہیں جاتا تو ریاست اسے مجرم سمجھتی ہے اور اس کے خلاف باقاعدہ مقدمہ قائم ہو سکتا ہے‘
دنیا میں معاشروں کو جانچنے کے گیارہ طریقے ہیں‘ ان گیارہ طریقوں میں ایک طریقہ بچوں اور بزرگوں کے ساتھ معاشرے کا رویہ بھی ہے‘ معاشرہ اپنے بزرگوں کی کتنی ٹیک کیئر کرتا ہے اور لوگ بچوں کی کتنی اور کیسے پرورش کرتے ہیں اور ہم بدقسمتی سے ان دونوں شعبوں میں بری طرح مار کھا رہے ہیں‘ مجھے بعض اوقات محسوس ہوتا ہے بچہ اور بوڑھا ہونا زندگی کا سب سے بڑا جرم ہے‘ آپ ملک کے کسی شہر کی کسی گلی میں چلے جائیں آپ کو وہاں بچے اور بزرگ دونوں بری حالت میں ملیں گے چناں چہ ہم اس حقیقت کے ساتھ اچھا معاشرہ کہلانے کے قابل نہیں ہیں لیکن آج وفاقی کابینہ نے بزرگوں اور بچوں کے لیے بہت اچھا اینی شیٹو لیا، میں اس اینی شیٹو پر حکومت کو خراج تحسین پیش کرتا ہوں‘یقین کیجیے یہ کام اگر ہو گیا تو یہ ہم سب کی عاقبت سنوار جائے گا‘ ویل ڈن عمران خان، کیا رانا ثناء اللہ کی گرفتاری حقیقی ہے یا پھر مسائل سے عوام کی توجہ ہٹانے کا حربہ ہے جبکہ وزیراعظم نے وزارت قانون کو پروڈکشن آرڈر کا قانون بدلنے کی ہدایت کر دی‘ کیا یہ عقل مندی ہو گی اور پنجاب حکومت نے میاں نواز شریف سے گھر سے کھانا منگوانے کی سہولت واپس لے لی‘ کیا یہ زیادتی نہیں۔
