غریبوں کا جینا دشوار!بجٹ منظور ہونے سے پہلے ہی یوٹیلیٹی اسٹورز پر چینی سمیت 50 سے زائد اشیا کی قیمتوں میں ہوشربااضافہ

  جمعرات‬‮ 27 جون‬‮ 2019  |  10:15

کراچی(این این آئی)ملک بھر کے یوٹیلٹی اسٹورز پر چینی سمیت50سے زائد برانڈڈ اشیاء کی قیمتوں میں اضافہ ہوگیا ہے۔مارکیٹ ذرائع کے مطابق نئے بجٹ کی منظوری سے قبل ہی ملک بھر کے یوٹیلیٹی اسٹورز پر چینی سمیت عام استعمال کی 50 سے زائد اشیاء کی قیمتوں میں 20 روپے تک کا اضافہ کردیا گیا ہے۔ اسٹورز پر دستیاب چینی کی قیمت3 روپے فی کلو تک بڑھا دی گئی ہے، جس کے بعد چینی 69 روپے کلو گرام سے بڑھا کر72روپے فی کلو گرام کردی گئی ہے۔400ملی لیٹر شیمپو کی قیمت میں 20 روپے تک اضافہ کردیا ہے جس کی قیمت 374


روپے سے بڑھا کر 394 روپے کردی ہے۔ مختلف برانڈز کے صابن کی قیمت میں بھی ایک سے 2 روپے تک اضافہ کردیا گیا ہے۔ اس کے علاوہ چہرے پر لگانے والی کریم کے 70 ملی لیٹر جار پر 10 روپے تک کا اضافہ کیا گیا ہے۔

موضوعات:

loading...