اسلام آباد(آن لائن) وزیراعظم عمران خان جمعرات کے روز بجٹ پر     بجٹ پر  بحث کے دوران ایوان زیریں کے اجلاس  میں مختصر وقت کیلئے شرکت کی اور تقریر کئے بغیر ایوان سے چلے گئے، عمران خان ایوان میں انتہائی اطمینان بخش دکھائی دے رہے تھے اور ان کے چہرے پر پریشانی کی بجائے اطمینان نظر آرہا تھا، عمران خان لیڈر آف دی ہاؤس کی سیٹ پر بیٹھ کر تسبیح  پڑھتے  رہے وزیراعظم عمران خان کی موجودگی میں وفاقی وزیر غلام  سرو ر  خان نے شریف خاندان اور زرداری خاندان پر کرپشن اور بدیانتی کے شدید الزامات عائد کئے،

عمران  خان   اس موقع پر غلام سرور خان کی الزامات پر مبنی تقریر سن کر انتہائی خوش نظر آرہے تھے اور چہرے پر مسکراہٹیں بکھیر رہے تھے، عمران خان گزشتہ نو ماہ کے دوران پہلی مرتبہ ایوان میں انگڑائیاں لے رہے تھے اور ممبران کی تقاریر اور اپوزیشن کے فقرے بازی پر  محظوظ  ہوتے رہے، 1992ء کے ورلڈ کپ میں بھی جب فتح قریب تھی تو عمران خان میدان میں انگڑائی لیتے رہے جبکہ اب قومی اسمبلی کے ایوان میں انگڑائی لی ہے جس سے صاف نظر آیا ہے کہ عمران خان پاکستان کو درپیش مسائل کا مکمل ادراک کر چکے ہیں اور ان کا حل بھی نکالنے کے قریب ہیں عمران خان  نیلے رنگ کے سوٹ میں ملبوس تھے اور انتہائی سمارٹ انداز میں ممبران اسمبلی کی باتیں سنتے رہے اور ان کے مسائل کے حل کیلئے وعدے کرتے رہے،  جب عمران خان ایوان میں آئے تو پی ٹی آئی کے ممبران کے ڈیسک بجا کر خوشی آمدید کہا جبکہ اپوزیشن کے بنچوں پر بھی مکمل سناٹا تھا، بیک  بنچ پر بیٹھی مسلم لیگ ن کی خواتین نے عمران خان کی موجودگی میں فقرے بازی کی تاہم ملک پرویز و دیگر ممبران ان خواتین کو خاموش رہنے کی تلقین کرتے رہے، پی ٹی آئی کے چیف وہب عامر ڈوگر بھی اپوزیشن کی خواتین کو خاموش رہنے کیلئے ان کی نشستوں پر جاکر تلقین کرتے رہے، ایک موقع پر عمران خان نے غلام  سرور خان کو دوران تقریر مزید معلومات پر مبنی مواد بھی دیا تاہم ایوان سے عمران خان کے جانے کے بعد حکومتی ممبران بھی ایوان سے منتشر ہو گئے۔