صادق آباد( آن لائن) آرمی چیف جنرل قمرجاوید باجوہ کی ہدایت پر پاک فوج کے جوانوں نے 300 کلو وزنی نورالحسن کو علاج کیلئے لاہور ہسپتال منتقل کر دیا ہے۔ تفصیلات کے مطابق آرمی چیف کی ہدایت پر پنجاب کے ضلع رحیم یار خان کی تحصیل صادق آباد کے رہائشی کو لاہور منتقل کرنے کیلئے ائیر ایمبولینس فراہم کی گئی جس کے لئے ہیلی پیڈ کی تیاری اور سکیورٹی انتظامات کئے گئے ۔

گھر کا گلی میں کھلنے والا دروازہ اور دیوار توڑی گئی ۔ اس موقع پر ریسکیو ٹیمیں، ایمبولینس، اور پولیس کی نفری بھی اس موقع پر موجود ہے۔یاد رہے کہ نور الحسن نے صدر، وزیراعظم اور آرمی چیف سے بھی مدد کی اپیل کی تھی۔ڈاکٹر معاذ اس سے قبل بھی 600 کلو وزنی مریض کا علاج کر چکے ہیں اور ان کا نام اس کارنامے کی وجہ سے گنیز بک آف ورلڈ ریکارڈ میں بھی درج ہے۔