بھارتی دعویٰ مسترد ، جارحیت کاجواب کیسے دینگے؟پاکستان کے اعلان سے دشمن پر خوف طاری

26  فروری‬‮  2019

اسلام آباد (این این آئی) قومی سلامتی کمیٹی نے بالا کوٹ کے قریب دہشتگردوں کے مبینہ کیمپ کو نشانہ بنانے اور بھاری جانی نقصان کا بھارتی دعویٰ مسترد کرتے ہوئے واضح کیا ہے کہ بھارت نے بلا جواز جارحیت کا ارتکاب کیا ہے جس کا جواب پاکستان اپنی مرضی کے وقت اور مقام پردیگا ۔قومی سلامتی کمیٹی کا خصوصی اجلاس منگل کو وزیر اعظم عمران خان کی زیر صدارت وزیر آفس میں منعقد ہوا ۔

اجلاس میں خارجہ ، دفاع ، خزانہ کے وزراء چیئر مین جوائنٹ چیفس آف سٹاف کمیٹی ، چیف آف آرمی سٹاف ، چیف آف نیول سٹاف ، چیف آف ایئر سٹاف اور دیگر سول و فوجی حکام نے شرکت کی ۔اجلاس کے شرکاء نے بالا کوٹ کے قریب دہشتگردوں کے مبینہ کیمپ کو نشانہ بنانے اور بھاری جانی نقصان کا بھارتی دعویٰ مسترد کر دیا ۔اجلاس کے شرکاء نے کہاکہ بھارت کا دعویٰ جعلی ہے اور یہ اقدام الیکشن کے ماحول کی وجہ سے کیا گیا ہے اس اقدام سے خطے کا امن اور سلامتی شدید خطرے میں ڈال دی گئی ہے ۔اجلاس کے شرکاء نے کہاکہ بھارت نے جس علاقے میں کارروائی کا دعویٰ کیا ہے وہ پوری دنیا کیلئے کھلا ہے جہاں پر حقائق کا جائزہ لیاجاسکتا ہے اس سلسلے میں مقامی اور بین الاقوامی میڈیا کو مذکورہ مقام پر لے جانے کا فیصلہ کیا گیا ۔قومی سلامتی کمیٹی نے کہاکہ بھارت نے بلا جواز جارحیت کا ارتکاب کیا ہے جس کا جواب پاکستان اپنی مرضی کے وقت اور مقام پردیگا ۔قوم کو اعتماد میں لینے کیلئے حکومت نے پارلیمنٹ کا مشترکہ اجلاس بلانے کا فیصلہ کیا ہے جبکہ وزیر اعظم نے نیشنل کمانڈ اتھارٹی کا اجلاس کل بدھ 27فروری کو طلب کیا ہے ۔ وزیر اعظم نے ہدایت کی کہ قومی قوت کے عناصر بشمول مسلح افواج اور پاکستان کے عوام ہر طرح کے ممکنہ اقدام کیلئے تیار رہیں ۔

انہوں نے عالمی قیادت کے ساتھ رابطے کا بھی فیصلہ کیا تاکہ خطے میں بھارت کی غیر ذمہ دارانہ پالیسی سے آگاہ کیا جاسکے ۔وزیر اعظم نے بھارتی حملہ ناکام بنانے کیلئے پاکستان ائیر فورس کی موثر اور برو قت جوابی کارروائی کو سراہا جس میں کوئی جانی ومالی نقصان نہیں ہوا ۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…