اسلام آباد(اے این این ) اسپیکر قومی اسمبلی اسد قیصر نے وفاقی وزیر ریلوے شیخ رشید اور مسلم لیگ ن کے رہنما سعد رفیق کو پبلک اکاؤنٹس کمیٹی میں شامل نہ کرنے کا فیصلہ کیا ہے۔ذرائع کے مطابق اسپیکر اسمبلی کمیٹی میں بد نظمی نہیں چاہتے اس لیے دونوں رہنماؤں کو پی اے سی میں شامل نہ کرنے کا فیصلہ کیا ہے۔ذرائع کا کہنا ہے کہ اسد قیصر نے اپنے فیصلے سے متعلق حکومت اور اپوزیشن سے بات کی ہے۔یاد رہے کہ حکمراں جماعت نے

وزیر ریلوے شیخ رشید کو پبلک اکائونٹ کمیٹی(پی اے سی) کے ممبر کے طور پر نامزد کیا تھا۔ وفاقی وزیرنے کہا تھا کہ وہ پبلک اکاؤنٹس کمیٹی میں لڑائی جھگڑا کرنے کے لیے نہیں بلکہ 20 کروڑ عوام کی آواز بننے جا رہے ہیں۔شیخ رشید ماضی میں چیئرمین پی اے سی شہباز شریف کی تعیناتی کو بھی غیر آئینی قرار دے چکے ہیں۔ وزیر ریلوے نے کہا تھا کہ اپوزیشن لیڈر کی اس عہدے پر تعیناتی بلے کو دودھ کی رکھوالی پر بٹھانے کے مترادف ہے۔