اسلام آباد(مانیٹرنگ ڈیسک)سینئر صحافی حسن نثار نے نجی ٹی وی پروگرام میں گفتگو کرتے ہوئے کہاں ہے کہ اگر احتساب نہیں ہوا تو اس ملک میں کسی کی کسی بات کا اعتبار باقی نہیں رہے گا۔ پاکستانیوں کی اجتماعایت نفسیات پردو بڑے زخم لگ چکے ہیں۔ ایک سقوط ڈھاکہ کی شکل میں ،دوسرا زخم بھٹو کی پھانسی ۔
ایک بات واضح کردوں میں بھٹو کا فین نہیں ہوں۔ان چیزوں کی وجہ سے لوگوں کے دماغوں میں یہ باتیں چلی گئیں کہ اس ملک میں قانون کی حکمرانی نام کی کوئی چیز نہیں ہے۔ احتساب کے معاملات جہاں تک چلے گئے ہیں اگر اس میں سے کچھ نہ نکلا تو یہ تیسرا زخم ہوگا۔ ان کا مزید کہنا ہے کہ جب نوازشریف شہباز شریف جائیدادیں بنانے میں لگے ہوئے تھے نون لیگ کے لوگوں کو انہیں روکنا چاہیے تھا تو نوبت یہاں تک نہ آتی۔جہاں تک حج پر سبسڈی دینے کی بات ہے جو حج کا خرچہ برداشت نہیں کرسکتا وہ نہ کرے اللہ اور رسول کا حکم بھی یہی ہے۔ عثمان بزدار بالکل سیکھیں لیکن عوام کے پیسوں سے نہیں ان کو سیکھانے کیلئے بہت بڑی قیمت پنجاب دے رہا ہے۔واضح رہے کہ گزشتہ روز وزیر اعظم عمران خان ایک روزہ دورے پرلاہور آئے تھے۔ روزنامہ جنگ کے مطابق سینئر صحافی حسن نثارنے بھی ان سے ملاقات کی تھی۔
