اسلام آباد (مانیٹرنگ ڈیسک) افغانستان کے شہر مزار شریف میں پاکستانی قونصلیٹ میں خاتون بم لے جاتے ہوئے پکڑی گئی، ایک نجی ٹی وی چینل کی رپورٹ کے مطابق دفتر خارجہ کاکہنا ہے کہ پاکستان نے افغانستان کے شہر مزار شریف میں اپنا قونصل خانہ بند کر دیا ہے، دفتر خارجہ کی طرف سے جاری کیے گئے بیان کے مطابق قونصل خانہ کی بندش کا فیصلہ ایک واقعہ کے پیش نظر سیکیورٹی خدشات کی وجہ سے کیا گیا، ایک خاتون بیگ میں ہینڈ گرنیڈ
چھپا کر قونصل خانہ میں داخل ہوتے ہوئے پکڑی گئی ہے۔ مقامی پولیس نے خاتون کو گرفتار کر لیا ہے، دفتر خارجہ کے مطابق اس حملے کے منصوبہ سازوں تک پہنچنے کے لیے تفتیش کا عمل جاری ہے۔ کابل میں اس سلسلے میں پاکستانی سفارتخانے نے افغان دفتر خارجہ سے پاکستانی قونصل خانے کو فول پروف سیکیورٹی فراہم کرنے کا مطالبہ کیا ہے، دفتر خارجہ کے مطابق پاکستانی قونصل خانہ فول پروف سیکیورٹی ملنے تک بند رہے گا۔
