اسلام آباد(صباح نیوز)دوسرے منی بجٹ میں 150ارب روپے سے زائد کے ٹیکس اقدامات کی تجویز ہے، پرتعیش اشیا پر ٹیکس بڑھائے جانے کا امکان ہے جبکہ موبائل فون اور امپورٹڈ گاڑیاں بھی مزید مہنگی ہوں گی، موبائل فون، بڑی گاڑیاں ، لیدر آئٹمز مہنگے ہونے کا امکان ہے،سگریٹ پر ٹیکس میں اضافہ کیا جائے گا ،1800سی سی سے بڑی گاڑیوں پر ڈیوٹی بڑھائی جائے گی،نان فائلر کے گرد گھیرا تنگ ہو گا،عوام نے سر پکڑ لیے۔حکومت نے پانچ ماہ میں دوسرا منی بجٹ لانے کا اعلان کیا ہے ۔ایف بی آر ذرائع کے مطابق

منی بجٹ میں 1800 سی سی سے زائد گاڑیوں پر ڈیوٹی بھی بڑھا دی جائے گی جبکہ امپورٹڈ لیدر جیکٹس، کوٹ، بیلٹ اور خواتین کے پرس بھی مہنگے ہو ں گے۔ ایسے میں کچھ شہریوں کا کہنا ہے کہ یہ تبدیلی تو انہیں بہت بھاری پڑ رہی ہے تاہم بعض افراد منی بجٹ کو بیرونی قرض لینے بہتر سمجھتے ہیں۔ذرائع کا کہنا ہے کہ منی بجٹ میں نان فائلرز کے گرد بھی گھیرا مزید تنگ کیا جائے گا، ان کے لیے ٹیکسوں کی شرح بڑھائی جا سکتی ہے۔ اس بات کا امکان بھی ہے کہ سگریٹ پر ٹیکس میں اضافہ کیا جائے گا۔