اسلام آباد (این این آئی)وزیر مملکت برائے داخلہ شہر یار خان آفریدی نے میڈیا پر اپنے سے منسوب خبروں کی تردید کرتے ہوئے کہا ہے کہ میرا اور عمران خان کا وژن ملک کو ڈرگ فری بنانا ہے ٗدوران مہم اگر کوئی میرے ساتھ تصویر بنا کر استعمال کر رہا ہے تو اس سے میرا کوئی تعلق نہیں ۔ایک بیان میں وزیرمملکت نے کہاکہ اسلام آباد سمیت ملک بھر میں منشیات کے خلاف مہم میں نے شروع کی ۔انہوں نے کہاکہ منشیات کے خلاف مہم میں وزیر اعظم عمران خان کی پشت پناہی حاصل ہے ۔وزیر مملکت نے کہاکہ

چند مجرمانہ ذہنیت کے لوگ میرے ساتھ تصاویر بنا کر سوشل میڈیا پر ڈال رہے ہیں۔ وزیر مملکت نے کہاکہ میں عام سیاسی ورکر ہوں، کسی کو اپنے ساتھ تصویر لینے سے منع نہیں کرسکتا ۔وزیر مملکت نے کہاکہ دوران مہم اگر کوئی میرے ساتھ تصویر بنا کر استعمال کر رہا ہے تو اس سے میرا کوئی تعلق نہیں ۔وزیر مملکت نے کہاکہ میں نے ان لوگوں کے خلاف ہاتھ ڈالا ہے اس لیے یہ میری شہرت کو نقصان پہنچا رہے ہیں ۔وزیر مملکت نے کہا کہ منشیات کی روک تھام کیلئے سڑکوں اور بسوں پر آگاہی مہم چلا رہا ہوں ۔