اسلام آباد (مانیٹرنگ ڈیسک)وزیر اعظم کی نا اہلی کیلئے دائر درخواست خارج،چیف جسٹس نے اپنے ریمارکس میں کہا کہ نواز شریف کو پانچ رکنی بینچ نے اقامہ پر نا اہل نہیں کیا بلکہ تین رکنی بینچ نے نااہل کیا.نجی ٹی وی کے مطابق عمران خان کی نا اہلی سے متعلق نظر ثانی کیس کی سماعت ہوئی ۔ حنیف عباسی کے وکیل اکرم شیخ نے موقف اپنایا کہ عمران خان نے ٹکڑوں میں دستاویزات فراہم کیے۔ عدالت اپنے فیصلے پر نظر ثانی کا اختیار رکھتی ہے۔ 5 رکنی بینچ کا فیصلہ تین رکنی بینچ پر لازم تھا۔نظر ثانی مقدمہ میں دائرہ اختیار

محدود نہیں ۔ 5 رکنی بینچ نے نواز شریف کی نا اہلی کیلئے سخت اصول اپنایا۔جس پرچیف جسٹس نے اپنے ریمارکس میں کہا دستاویزات کی کڑیوں پر اطمینان عدالت کی صوابدید ہے ۔وکیل اکرم شیخ نے کہا کہ عدالت مطمئن ہوتی تو کوئی قانون وضع کرتی جس پر چیف جسٹس نے کہا کہ اپنے فیصلے میں قانون وضع کرچکے ہیں، نواز شریف کو اقامہ پر تین رکنی بینچ نے نا اہل کیا،نواز شریف کے معاملے میں 3 ججز نے جے آئی ٹی سے انکوائری کرائی جس کے بعد فیصلہ سنایا گیا ۔ 2 ججز فیصلے کیلئے 3 ججز کے ساتھ بیٹھے  تھے۔